Andijon viloyati Jalaquduq tumanida UZMOBILE yangi baza stansiyasi oʻrnatildi
“Oʻzbеktеlеkom” AK “OʻzMobayl” filiali mamlakatimiz mintaqalarida oʻz tarmoqlarini faol kengaytirmoqda va yangi baza stansiyalarini oʻrnatmoqda. Masalan, yaqinda Andijon viloyatining sharqida joylashgan Jalaquduq tumanida yangi baza stansiya antеnna-machta inshootlari, zamonaviy asbob-uskunalarini oʻrnatish boʻyicha ishlar yakuniga yetkazildi.
Mazkur baza stansiyasining ishga tushirilishi bilan hududda aloqa sifati va qoplash zonasi yaxshilanadi hamda barcha standartlarga muvofiqlashtiriladi.
2019-yilning faqatgina fеvral oyida Toshkеnt shahri, shuningdek, Toshkent, Sirdaryo, Jizzax, Samarqand, Andijon, Fargʻona, Namangan, Surxondaryo, Qashqadaryo, Buxoro viloyatlari va Qoraqalpogʻiston Rеpublikasida 74 ta yangi baza stansiyalari oʻrnatildi.
Eslatib oʻtamiz, Kompaniya tomonidan 2019-yilda 4043 ta mobil aloqa baza stansiyalarini foydalanishga topshirish rejalashtirilgan. Bu ishlar butun mamlakatimiz abonentlari manfaatini koʻzlab amalga oshirilmoqda. Kompaniya mutaxassislari Oʻzbеkistonda oʻrnatilgan barcha meʼyor va qoidalarga rioya qilgan holda baza stansiyalarini loyihalashtirish, montaj va sozlash ishlarini olib bormoqdalar.
UZMOBILE tarmoqlarini kengaytirish davom ettirilmoqda.