1-toifali mutaxassis (xaridlar)

“O‘zbektelekom” AK Toshkent shahar ijroiya apparati

Xaridlar departamenti Savdolarni tashkillashtirish boshqarmasi

Lavozim majburiyatlari:

•       Xarid talabnomalari asosida ochiq va boshqa ishonchli manbalardan foydalanish, tashkilotlardan tijorat takliflarini olish orqali bozor konyunkturasini o‘rganish, narxlarni tahlil qilish hamda elektron ma’lumotnomani shakllantirish.

•       Davlat xaridlarining maxsus axborot portali orqali xaridlar rejasini belgilangan muddatlarda shakllantirish va rasmiylashtirishda ishtirok etish.

•       Xarid predmetiga muvofiq tanlash va tender hujjatlarini, ishtirokchilar takliflarini baholash mezonlarini tayyorlash hamda tegishli bo‘linmalar bilan kelishish.

•       Xarid hujjatlarini “Davlat xaridlarining maxsus axborot portali”ga belgilangan tartibda joylashtirish hamda xarid qilish tartib-taomillarini qonunchilik talablariga muvofiq tashkil etish va amalga oshirishda ishtirok etish.

•       Ishtirokchilar takliflarini xarid hujjatlari talablariga muvofiqligi bo‘yicha tahlil qilish, zarur hollarda ekspert xulosalarini olish va takliflarni qiyosiy baholash uchun tegishli hujjatlarni tayyorlash.

•       Xarid komissiyasi faoliyati uchun zarur hujjatlarni tayyorlash, xarid natijalarini rasmiylashtirish va g‘olib bilan shartnoma tuzishni tegishli bo‘linmalar bilan kelishishda ishtirok etish.

•       Boshqarma hisobotlari va ish rejalarini tayyorlash, xizmat hujjatlarini to‘g‘ri rasmiylashtirish, topshiriqlar ijrosini ta’minlash.

•       Davlat xaridlari sohasidagi qonunchilik va ilg‘or tajribalarni o‘rganish, ish jarayonlarini takomillashtirish bo‘yicha takliflar kiritish hamda mehnat intizomi, odob-axloq, korrupsiyaga qarshi kurashish, axborot xavfsizligi va tijorat sirlarini muhofaza qilish talablariga rioya etish.

Talab qilinayotgan ko‘nikmalar va malaka:

•       Oliy ma’lumot.

•       Mutaxassisligi va tegishli soha bo‘yicha kamida 3 yillik ish tajribasi.

•       O‘zbekiston Respublikasining davlat xaridlari to‘g‘risidagi qonunchiligi va xarid jarayonlarini tartibga soluvchi normativ-huquqiy hujjatlarni bilish.

•       Bozor narxlarini o‘rganish, tijorat takliflarini tahlil qilish va narxlarni qiyosiy solishtirish ko‘nikmasi.

•       Xarid hujjatlari, hisobotlar va xizmat yozishmalarini o‘zbek hamda rus tillarida tayyorlash ko‘nikmasi.

•       Kompyuterda ishlash ko‘nikmalari, jumladan Microsoft Word, Excel, elektron pochta va veb-brauzerlardan foydalanish.

•       Davlat xaridlarining elektron platformalari va elektron buyurtmalar tizimida ishlash ko‘nikmasi.

Shaxsiy fazilatlar:

•       Tahliliy fikrlash va katta hajmdagi ma’lumotlar bilan ishlash qobiliyati.

•       Mas’uliyatlilik, aniqlik, intizom va belgilangan muddatlarga rioya qilish.

•       Jamoada ishlash, ishbilarmonlik muloqoti olib borish va muammolarga yechim topish ko‘nikmasi.

•       Xolislik, halollik va korrupsiyaga nisbatan murosasiz munosabat.

Ish sharoitlari:

•       5 kunlik ish haftasi.

•       Kasbiy rivojlanish va malaka oshirish imkoniyati.

•       Ahil va professional jamoada ishlash.

•       Tibbiy sug’urta.

•       Bepul uyali aloqa.

Tanlovda ishtirok etish uchun rezyumelar fotosurat bilan birga va boʻsh ish oʻrni koʻrsatilgan holda, o.boltayev@uztelecom.uz elektron manzili boʻyicha elektron koʻrinishda qabul qilinadi. 

Ma’lumot uchun telefon: 71-1000229.

Hujjatlar 2026-yil 1-noyabrgacha qabul qilinadi.

Tanlov 2026-yil 2-noyabr kuni o‘tkaziladi.