Xabar qilish

Ushbu xizmat turi ko‘plab mahalliy va xorijiy tashkilotlar tomondan yuqori baholanadi. Bu xizmat qisqa vaqt oralig‘ida ko‘p sonli abonentlarga qo‘ng‘iroq qilib, kerakli ma’lumot bilan tanishtirish zarurati paydo bo‘lganda juda muhimdir. Masalan, debitorlarni xabardor etish, yig‘ilish, konferensiyaga taklif qilish, yaqinlashayotgan tadbir haqida xabar berish yoki mijozlarni yangi xizmat tadbiq etilgani yoki yangi mahsulot chiqishi to‘g‘risida boxabar etish holatlarida qulay. Bunda mavjud ishchilar katta hajmdagi qo‘ng‘iroqlarni amalga oshira olmasligi, qo‘shimcha tajribali personalni jalb etish esa qimmatlik qilishi mumkin.

Biroq masalaga boshqa yechim mavjud – xabar qilish uchun Call-center texnologiya va vositalaridan foydalanishdir. Xabar qilish yo‘llaridan biri, ko‘p hollarda samarali hisoblangan avtomatik usuldir. Abonentlarni xabardor qilish Siz tomondan (yoki Call center operatorlari tomondan) tayyorlangan xabar matni va telefonlar ro‘yxati asosida amalga oshiriladi. Bir vaqtning o‘zida abonentlarni xabardor qilish soatiga 9000 ta qo‘ng‘iroqni tashkil etishi mumkin va bundan ushbu xizmatni qo‘llashning afzalliklari yaqqol ko‘zga tashlanadi. Xabar qilish xizmati amalga oshirilgandan so‘ng, operator xabardor etilgan va etilmagan abonentlar bo‘yicha hisobot taqdim etadi va ma’lumotga asosan xabardor etilmagan abonentlar qayta xabardor etilishlari mumkin.