Xizmat O‘zbekiston Respublikasi hududidagi mobil aloqa tarmoqlaridan foydalanuvchi barcha abonentlarga ko‘rsatiladi.
Xizmatdan foydalanish uchun udisk.uz veb-saytida ro‘yxatdan o‘tish kerak.
Xizmat doirasida abonentlarga jadvalda ko‘rsatilgan shartlar bo‘yicha tarif rejalaridan biriga ulanish imkoniyati beriladi:
Oylik tarif rejalar:
| Tarif rejasi | Disk maydonining hajmi (GB) | Mobil trafik (GB) | Narxi (so’m) | Hisob-kitob davri, oy |
|---|---|---|---|---|
Start | 15 | 15 | 8 000 | 1 |
Ultra | 40 | 40 | 12 000 | 1 |
Premium | 100 | 100 | 18 000 | 1 |
Studio | 1024 (1ТB) | - | 60 000 | 1 |
Studio Pro | 2048 (2ТB) | - | 110 000 | 1 |
Studio Max | 3072 (3ТB) | - | 150 000 | 1 |
Yillik tarif rejalar:
| Tarif rejasi | Disk maydonining hajmi (GB) | Mobil trafik (GB) | Narxi (so’m) | Hisob-kitob davri, oy |
|---|---|---|---|---|
Start+ | 15 | 180 | 80 000 | 12 |
Ultra+ | 40 | 480 | 120 000 | 12 |
Premium+ | 100 | 1200 | 180 000 | 12 |
Studio+ | 1024 (1ТB) | - | 600 000 | 12 |
Studio Pro+ | 2048 (2ТB) | - | 1 100 000 | 12 |
Studio Max+ | 3072 (3ТB) | - | 1 500 000 | 12 |
- Ushbu tarif rejalari doirasida abonent to‘lovi (keyingi o‘rinlarda - AT) hisoblanishining boshlanishi yagona jadval bo‘yicha emas, balki har bir Abonent uchun alohida hisob-kitob davri bo‘yicha aniq soniyaga qadar amalga oshiriladi. Tarif rejasi doirasida AT yechib olinishi vaqti xizmatdan foydalanish imkoniyati taqdim etilgan vaqtga bog‘liq bo‘ladi. ATning hisob-kitob davri kalendar oyining birinchi sanasiga bog‘lanmagan holda, xizmatdan foydalanish imkoniyati taqdim etilgan vaqtdan boshlab hisoblanadi. Hisob-kitob sanasi Abonentning hisob-kitob davri uchun ATni hisoblashdagi boshlang‘ich nuqtasi hisoblanadi. Misol uchun, agarda Abonent tarif rejasiga 10-sanada ulangan bo‘lsa, u holda navbatdagi oylik AT keyingi oyning/yilining 10-sanasida Abonentning shaxsiy hisob raqamida TR bo‘yicha AT uchun yetarli miqdorda mablag‘lar bo‘lgandagina yechib olinadi. Agarda Abonent 31 avgust kuni ulangan bo‘lsa, u holda navbatdagi AT yechib olinishi 30 sentyabr kuni amalga oshiriladi.
- Xizmatdan foydalanish uchun mobil trafik faqat “O‘zbektelekom” AKning GSM standartidagi mobil aloqa xizmatlaridan foydalanuvchi abonentlar uchun (M2M tarif rejalari seriyasidan tashqari) Start, Ultra, Premium, Start+, Ultra+, Premium+ tarif rejalarida, ro‘yxatdan o‘tilganda ko‘rsatilgan raqam bo‘yicha taqdim etiladi. Mobil trafik tugaganidan so‘ng, mobil trafikning tarifikatsiyasi foydalaniladigan tarif rejasiga yoki ulangan Internet-paketlar shartlariga muvofiq amalga oshiriladi.
- Mobil trafik tarif rejasi bo‘yicha hisob-kitob davri tugagunga qadar taqdim etiladi, foydalanilmagan trafik keyingi hisob-kitob davriga o‘tkazilmaydi va bekor qilinadi.
- Tarif rejasini o‘zgartirish, mavjud diskning to‘ldirilgan hajmi, faollashtirilgan tarif rejasining amal qilish muddatidan qatʼi nazar, yangi tarif rejasi bo‘yicha taqdim etilayotgan hajmdan kamroq bo‘lishi sharti bilan, amalga oshiriladi. Taqdim etilgan disk maydonlari hajmi qo‘shilmaydi. Tarif rejasini faollashtirish uchun hisobdan yechib olingan summa qaytarilmaydi va/yoki qayta hisoblab chiqilmaydi.
- Tarif rejasi joriy hisob-kitob davri tugagunga qadar o‘zgartirilganda, avvalgi tarif rejasida foydalanilmagan mobil trafik bekor qilinadi va qaytarilmaydi. Tarif rejasi o‘zgartirilgan paytdan boshlab yangi tarif rejasi doirasida trafikning to‘liq hajmi taqdim etiladi, bunda, yangi hisob-kitob sanasi tarif rejasi o‘zgartirilgan sanaga suriladi.
- Tarif rejasi bo‘yicha hisob-kitob davri tugagaganda:
- shaxsiy hisobda AT yechib olinishi uchun yetarli miqdorda mablag‘lar bo‘lganda, avtomat ravishda yangi hisob-kitob davri uchun xizmatning uzaytirilishi amalga oshiriladi;
- agar AT yechib olinishi va xizmatning avtomat ravishda uzaytirilishi uchun mablag‘lar yetarli bo‘lmasa, Abonentlarga 30 kalendar kun ichida disk maydonidagi fayllarni yuklab olish imkoniyati beriladi, bundan so‘ng disk maydoniga kirish imkoniyati butunlay cheklanadi. Disk maydoniga kirish imkoniyati to‘liq cheklangan paytdan boshlab, Abonentlarga 30 kun ichida to‘lovni amalga oshirishga va akkauntni faollashtirishga imkoniyat beriladi. Agar faollashtirish belgilangan vaqt mobaynida amalga oshirilmasa, disk maydoni saqlanilgan maʼlumotlarni qayta tiklash imkoniyatisiz o‘chiriladi. - Xizmatga ulangandan so‘ng, boshqa Internet-paketlar sarflanishini oldini olish uchun, mobil maʼlumotlarni o‘chirgan holda avvalgi Internet-sessiyani tugatish kerak va so‘ngra Internet-sessiyani qayta yoqish kerak.
- Xizmatdan veb-saytda va mobil ilovada foydalanish mumkin.
- Xizmat bitta akkauntga cheksiz miqdordagi qurilmalarni ro‘yxatdan o‘tkazish imkoniyatini beradi.
- Ajratilgan hajm to‘lganda, yuklab olish funksionali bo‘yicha xizmat ko‘rsatilishi cheklanadi.
- Xizmat ulagandan so‘ng, Abonent ajratilgan disk maydoni va o‘rnatilgan funksional imkoniyatlaridan foydalanish huquqiga ega bo‘ladi.
- Yuklangan faylning maksimal hajmi 10 GB dan oshmasligi lozim.
- Xizmatdan har qanday formatdagi fayllarda foydalanish mumkin.
- Har bir akkaunt to‘lov tizimlari orqali hisobni to‘ldirish mumkin bo‘lgan shaxsiy hisobga ega.
- Shaxsiy hisob balansida yetarli miqdorda mablag‘lar mavjud bo‘lishi sharti bilan, tarif bo‘yicha to‘lovni amalga oshirish uchun pul mablag‘lari yechib olinishi amalga oshiriladi. Agar mablag‘lar miqdori yetarli bo‘lmasa, abonent to‘lovi yechib olinishi amalga oshirilmaydi.
- “O‘zbektelekom” aksiyadorlik kompaniyasi Xizmatni taqdim etish shartlarini o‘zgartirishga haqli va ushbu haqda tegishli maʼlumotlar rasmiy veb-saytida joylashtiriladi yoki boshqa aloqa vositalari orqali xabardor qilinadi. Abonentlar yuqorida keltirilgan veb-sayt orqali kiritilgan o‘zgartirishlarni mustaqil ravishda tekshirib borishlari mumkin.