Oliy toifali buxgalter

“O‘zbektelekom” AK “TMS Hub” filiali Toshkent shahar

Buxgalteriya hisobi va budjetni rejalashtirish xizmati

Lavozim majburiyatlari:

-      Buxgalteriyaga tegishli birlamchi hujjatlarning to‘g‘ri va aniq yuritilishini nazorat qiladi;

-      Realizatsiya qilinadigan uskunalar va boshqa Tovar moddiy boyliklar hisobini yuritadi;

-      Chiquvchi hisob-varaq fakturalarni shakllantiradi va tashqi kontragentlarga elektron tarzda o‘z vaqtida yuborilishini ta’minlaydi, shuningdek, tashqi kontragentlardan kiruvchi hisob-varaq fakturalarni elektron tarzda qabul qilib, buxgalteriya dasturiga kiritilishini nazorat qiladi;

-      Tovar-moddiy boyliklar hisobi yuritilishini nazorat qiladi;

-      Filialning tegishli bank hisob-varaqlari va korporativ kartalaridagi pul mablag‘lari aylanmasining hisobi yuritilishi hamda soliq va boshqa majburiyatlar bo‘yicha to‘lovlarning to‘g‘ri amalga oshirilishini nazorat qiladi;

-      Tovar-moddiy boyliklar va asosiy vositalarni har yilgi rejali va rejadan tashqari belgilangan tartibda xatlovi (Inventarizatsiya)ni o‘tkazishda ishtirok etadi, xatlovni o‘tkazish uchun tayinlangan komissiyaga tovar-moddiy boyliklar va asosiy vositalarning to‘liq ro‘yxatini taqdim etadi va uning natijalari to‘g‘risida ma’lumotlarni tayyorlaydi;

-      Yetkazib beruvchilar hamda mijozlar bilan hisob-kitoblar tekshiruvini amalga oshiradi;

Talab qilinayotgan ko‘nikmalar va malaka:

– Oliy ma’lumot (moliya, iqtisodiyot, boshqaruv yoki tegishli sohalarda);

-      “1C:Предприятие”, MS Office (Word, Excel, PowerPoint), dasturiy ta’minotida malakali foydalanuvchi darajasida ish tajribasiga ega bo‘lishi kerak;

-      O‘zbek va rus tillarini bilish;

-      Muloqot va jamoada ishlash ko‘nikmalari;

-      Muammolarni hal qilish va qaror qabul qilish qobiliyati;

-      Moliyaviy hisobotning xalqaro standartlari (MHXS) bo‘yicha bilimlarga ega bo‘lish.

Ish sharoitlari:

-      Mehnat shartnomasi asosida rasmiy bandlik;

-      Ish haftasi: 5 kunlik (dushanba–juma), dam olish kunlari – shanba va yakshanba;

-      Ish vaqti: odatda 09:00 dan 18:00 gacha (tushlik tanaffusi bilan);

-      Mehnat kodeksiga muvofiq ta’til va boshqa ijtimoiy kafolatlar;

-      Ish faoliyatida safarlar yoki obyektda joyida ko‘zdan kechirish zarurati bo‘lishi mumkin;

-      Malaka oshirish, o‘quv va seminarlar orqali kasbiy rivojlanish imkoniyatlari.

Tanlovda ishtirok etish uchun rezyumelar fotosurat bilan birga va boʻsh ish oʻrni koʻrsatilgan holda, g.jurayeva@utc.uz elektron manzili bo‘yicha elektron ko‘rinishda qabul qilinadi.

Ma’lumot uchun telefon: 711003122, 773389977.

Hujjatlar 2026-yil 1-oktabrgacha qabul qilinadi.

Tanlov 2026-yil 2-oktabr kuni o‘tkaziladi.