1-toifali telegrafchi
“O‘zbektelekom” AK Ixtisoslashtirilgan texnik filiali Toshkent shahar
Telegraf kommutatsiya stansiyasini ekspluatatsiya qilish uchastkasi Telegraf aloqalari sexi
Lavozim majburiyatlari:
- PEHM va telegraf apparatlarida barcha ko‘rinish va toifadagi telegrammalarga ishlov berishni amalga oshiradi.
- Biriktirilgan XKS ish joylarida telegrammalarga o‘z vaqtida ishlov berishni ta’minlaydi.
- Telegraf apparatlarida (perfolentani qaytarish mexanik tugmasi funksiyasini ishlatgan holda) telegrammalarni perfolashni va perfolangan lentani o‘qilishini amalga oshiradi.
- XKS ish joylarida telegrammalarga ishlov berish sifatini inobatga oladi va nazorat qiladi, yaroqsizlik (shikoyat)larning kelib chiqish sabablarini aniqlaydi.
- Umumfoydalanish telegraf tarmog‘idagi marshrut indekslari ro‘yxatidan foydalangan holda, jo‘natuvchilardan telegrammalarni qabul qilinishini amalga oshiradi.
- AT tarmog‘i orqali telegrammalarni qabul qilishni va uzatishni amalga oshiradi.
- Telegraf xizmatlarini telefon orqali ko‘rsatish qoidalariga amal qilgan holda, xonadon-uchastka abonentlaridan muassasalar, tashkilotlar uchun telefon orqali telegrammalarni qabul qilinishini va uzatilishini olib boradi.
- Chekka punktda telegraf uskunalarining nosozligi yoki telegraf aloqasi ishdan chiqqan holatlarida, AT abonentlari uchun telefon orqali telegrammalarni qabul qilishni va uzatilishini ta’minlaydi.
- Telegrammalarni indekslash, ish joyiga kelib tushuvchi indekslanmangan telegrammalarga ishlov berilishini amalga oshiradi.
- Xalqaro telegrammalar, sxemali telegrammalar va kriptogrammalarni qabul qilinishini va ularga ishlov berilishini olib boradi.
- Navbatdan tashqari, toifadan tashqari va o‘ta muhim telegrammalarni qabul qilinishini va ularga ishlov berilishini amalga oshiradi.
- “Oliy hukumat” va “Hukumat” telegrammalarining qabul qilinishini va ularga ishlov berilishini amalga oshiradi.
- Arxiv va jurnal ma’lumotlariga murojaat qiladi, xabarlarga ishlov berish ish joyi va XKS arxividan axborotni chiqaradi va keyinchalik ularga ishlov beradi.
- Xabarlar kommutatsiyasi markazlari va qo‘shni bog‘lamalar, abonentlar, chekka punktlar bilan ma’lumotnoma axborotlari almashinuvi va xizmat yozishmalarini olib boradi.
- Xizmat so‘rov telegrammalari formatiga amal qilgan holda, XKSda avtomatik nazorat-ma’lumotli xizmatiga ma’lumot so‘rovlarini amalga oshiradi.
- Telegraf hisoboti hujjatlariga ko‘rsatilgan telegraf xizmatlariga doir qaydlarni sifatli va o‘z vaqtida bajaradi.
- Navbatchilik paytida signallar berish va monitoring vositalaridan foydalangan holda XKS va kanallar kommutatsiya stansiyasi uskunalari ishlashini tezkor nazoratini amalga oshiradi.
- O‘z kasbiy darajasini oshiradi, xavfsizlik texnikasiga oid yo‘l-yo‘riqlardan o‘tadi, fuqaro muhofazasining tegishli tayyorgarliklaridan o‘tadi va fuqaro muhofazasiga taalluqli tadbirlarni bajarishda ishtirok etadi.
Talab qilinayotgan koʻnikmalar va malaka:
- Ish stajiga talablar qо‘yilmagan holda oʻrta maxsus kasb-hunar ma’lumotiga ega mutaxassis tayinlanadi.
- Telegrammalarga ishlov berish tartiblariga oid telegraf qoidalari, yo‘riqnomalari, ko‘rsatmalarini;
- Ish joyida o‘rnatilgan chekka telegraf uskunalarining ekspluatatsiyasiga doir yo‘riqnomalarni;
- PEHM va telegraf apparatlarida ishlashning asosiy qoidalarini;
- Xabarlar kommutatsiya stansiyasi, abonentni telegraflash va lentani uzish bilan avtomatik telegraflash, aloqa tizimlarining ishlash tarzi va unda ishlash tartibini;
- Telegraf aloqasi xizmatlarining tariflarini;
- Telegrammalarga ularning barcha o‘tish bosqichlaridagi ishlov berilishining tartibi va nazorat muddatlarini;
- “Aloqa” telegraf kodi va xalqaro xizmat kodlaridan foydalanish tartiblarini;
- O‘zbek tilining imlosini va kirill alifbosi harflarining lotin harflarida yozilishini;
- Telegrammalarni yo‘naltirish va marshrutlash sxemalarini;
- Mamlakatlar nomlarining rus va fransuz tillarida yozilishini;
- O‘zbekiston Respublikasi va MDH mamlakatlarining ma’muriy-hududiy bo‘linganligini;
- Mehnat muhofazasi, xavfsizlik texnikasi qoidalari va me’yorlarini.
- Sifat sohasidagi siyosat va maqsadlarni.
- Shaxsiy va jamoaviy himoya vositalaridan foydalanishni bilish va ulardan toʻgʻri foydalanish;
- 1-toifali telegrafchi MS Office dаsturiy tа’minоti (Word, Excel, PowerPoint)da malakali foydalanuvchi darajasida ish tajribasiga ega bo‘lishi kerak.
- Rus tilini bilishi maqsadga muvofiq.
Ish sharoitlari:
- Mehnat shartnomasi asosida rasmiy bandlik.
- Ish haftasi: 5 kunlik (dushanba-juma), dam olish kuni – shanba, yakshanba.
- Ish vaqti: dushanba-juma kunlari 08:00 dan 17:00 gacha (tushlik tanaffusi bilan).
- Mehnat kodeksiga muvofiq ta’til va boshqa ijtimoiy kafolatlar.
- Ish faoliyatida safarlar yoki obyektda joyida ko‘zdan kechirish zarurati bo‘lishi mumkin.
- Malaka oshirish, o‘quv va seminarlar orqali kasbiy rivojlanish imkoniyatlari.
Tanlovda ishtirok etish uchun rezyumelar foto bilan birga va bosh ish oʻrni koʻrsatilgan holda ok@noctelecom.uz manzili boʻyicha elektron koʻrinishda qabul qilinadi.
Murojaat uchun telefon: 71 238-11-76 ; 71 238-14-33.
Hujjatlar 2026-yil 10-avgustgacha qabul qilinadi.
Tanlov 2026-yil 11-avgust kuni o‘tkaziladi.
Tanlov muddati 2026-yil 2-sentabrgacha uzaytirildi.
Hujjatlar 2026 2-sentabrgacha qabul qilinadi.
Tanlov 2026 yil 3-sentabr kuni o‘tkaziladi.
